OUTREACH PROGRAM 2025 | SEASON 14|BRGY. MONTELEGRE

Niadtong miaging Martes, ang atong Municipal Team mibisita sa Barangay Montealegre, Tuburan, Cebu alang sa usa ka Outreach Program nga gitumong aron ipaabot direkta ang mga serbisyo sa gobyerno ngadto mismo sa katawhan.

Dako kaayo ang among kalipay nga nakig-uban ug nakigtapok ang atong mga kaigsuonan sa Brgy. Montealegre aron ato silang mahatagan ug nagkalain-laing tabang ug serbisyo. Gawas sa paghatod og serbisyo, kini nga kalihokan nagpalig-on usab sa atong panaghiusa, pagtinabangay, ug pagkahimakas alang sa usa ka mas himsog ug malambuong komunidad.

Ang maong kalihokan usa ka timaan nga ang atong lokal nga panggamhanan nga pinanguluhan ni Hon. Christian Daniel Diamante andam kanunay nga musulod sa matag barangay aron madungog ang tingog sa katawhan ug matubag ang ilang mga panginahanglan. Kini usa ka paningkamot aron padayon natong mapalapdan ang serbisyong tinud-anay nga mao’y timaan sa Tuburan.

Daghang salamat sa tanan nga niapil, niuban, ug nagtambayayong aron mahimang malampuson ang maong kalihokan. Padayon ta sa atong panaghiusa alang sa mas lig-on ug mas mabungahong Tuburan!