Niadtong March 26, 2024, adlawng Martes, atong gipahigayon ang atong naandan nga OUTREACH PROGRAM ngadto sa Barangay Kalangahan Tuburan Cebu. Giubanan gihapon kini sa mga nagkalaing laing departamento sa atong Local Government Unit alang sa pag hatag ug mas dali na serbisyo para sa atong mga kaigsuonan sa Brgy Kalangahan.

Padayun ang atong paghatud sa serbisyo sa munisipyo ngadto sa baryo!

#TuburanSpringofSucess

#TuesdayOutreachProgramTuburan

OUTREACH PROGRAM 2024 | SEASON 12

Image 1 of 8

SERBISYO SA MUNISIPYO, GIHATUD NGADTO SA BARYO

Padayun ang pagpangalagad sa matag kabarangayan sa atong pinalanggang lungsod!

Sama sa naandan nga matag adlawng Martes sa semana, sulod na sa 13 ka tuig, pinaagi sa liderato sa atoang amahan sa lungsod, Mayor Democrito Aljun Diamante, nakapahigayun nausab ug laing Season sa LGU Outreach Program sa pipila na ka mga barangay sama sa: (1) Brgy. Gimama niadtong-Feb 27, 2024 (2) Brgy. Kalunsing, Bangkito, Kaorasan ug Tomugpa niadtong March 12, 2024; ug (3) Brgy. Amatugan-March 19, 2024.

Pila ka gatos ang nakatilaw sa libreng medical ug dental chek-up nga adunay libreng tambal gikan sa pangagamhanan sa Lungsod; nahatagan ug libreng tupi ug hair makeover; aduna pud ang mga staff gikan sa Tuburan Municipal Agriculture Office nga ni apud-apud sa libreng purga sa kahayopan, ingon man ang libreng anti-rabbies vaccine alang sa mga binuhing iro ug iring; ug ang pagrehistro pinaagi sa PhilSys (National ID System).

Lakip sa libreng serbisyo, libre usab ang aroscaldo ug paniudto alang sa tanang nitambong niining outreach program. Ang mga law enforcement agencies sama sa PNP Tuburan Municipal Police Station, Provincial Mobile Force, BJMP Tuburan District Jail ug BFP Tuburan ang niduyug sa maong kalihokan pinaagi sa paghatag ug seguridad sa katawhan ug nagpagpadangat ug mga pahimangno sa matag Tuburanon aron paglikay sa bisan unsang mata sa krimen.

Ang maong programa mas gipalig-on na! Arun malibot ang tibuok 54 ka Barangay sa Lungsod sa Tuburan sulod lang sa usa ka tuig ug mobalik sa sinugdan nga Barangay nga gialagaran aron sa laing season sa mosunod nga katuigan. Sa maong malungtaron nga pagpangalagad sa katawhan ubos sa kagamhanan ni Mayor Aljun Diamante, nga mao ang founder niining programaha, nakahatag kini ug kasulbaran sa mga nagkinahanglan ug atensyong medical sa matag kabarangayan labina sa kabukiran.