Sa nakalabayng duha ka mga adlaw nga Martes, petsa 21 ug petsa 28 sa Mayo tuig 2024, duha na usab ka mga Barangay sa Lungsod sa Tuburan ang nakabenipisyo sa mas gipalapdan nga senimanang pag-alagad sa katawhan sa maong Lungsod pinaagi sa LGU Tuburan Season 13 Outreach Program nga dunay temang “Bringing Services Closer to the People”.

Niadtong petsa 21 ning buwan sa Mayo ang Barangay Kansi Tuburan, Cebu maoy nakatagamtam na usab sa libreng medical ug dental consultation ug libreng tambal alang sa mga nagpakunsolta. Sa samang pagpanerbisyo usab ang Barangay Mag-antoy Tuburan, Cebu, niadto lang petsa 28 sa Mayo maoy nakatilaw sa samang programa.

Gipasalamatan sa duha ka mga kapitan sa maong mga Barangay, Kansi ug Mag-antoy ang maong hiniusang pagpanerbisyo sa LGU Tuburan ug mga Law Enforcement Units nga tudo suporta niining inisyatiba ni Mayor Aljun Diamante ug Vice Mayor Danny Diamante nga nilungtad na sa sulod sa 13 katuig diin nagbalik-balik sa ilang Barangay aron sa pagpatuhop sa mga serbisyo de pang gobyerno.

Gawas sa medical ug dental consultation naa usab ang serbisyong legal sa mga ahensya sa gobyerno sama sa Comelec, PhilSys, Department of Agriculture ug uban pa.

Anaa usab ang libreng haircut ug hair color sa mga kasundalohan ug Allen’s Beauty Studio diin usa sa mga gidugokan sa katawhan. Libreng pa ice cream ug libreng pagkaon sa mga hamtong ug kabataan samtang sila gialagaran. Sa paniudto dungan ang tanan sa pagkaon sa grasya nga gibulig sa kahitas-an dungan sa pagpasalamat niini pinaagi sa pagsayaw sa mga talentadong kasundalohan dala ang imahe ni Senior Santo Niño.

Ang maong programa daw sama sa selebrasyon sa tanang Kalamboan ug Kalampusan nga naangkon karun sa maong Lungsod ubos sa liderato ni Mayor Aljun Diamante, diin sugod sa tuig 2010 hangtud ning kasamtangan hingpit nang nasakmit sa maong Lungsod ang temang “Tuburan The Spring Of Success”.

Earlier today at the Tuburan Covered Court, employees from the Local Government Unit, DepEd, and various National Government Agencies gathered for the Orientation on the 4PH Program.

It was an insightful and productive session focused on community development and collaboration. We were graced by the presence of the staff from Eastland Property Ventures, Pag-ibig Fund, and DHSUD headed by Regional Director Atty. Lyndon Juntilla.

This program is through the initiative of our Municipal Mayor, Hon. Democrito M. Diamante in his pursuit of providing Tuburanons a better quality of life.

A big thank you to all the participants for your active involvement and commitment to making Tuburan a better place!

Tuburan is renowned for its rejuvenating springs, verdant landscapes, and thrilling escapades, but its greatest treasure undoubtedly lies in its people.

Unknown to many, Tuburanons harbor a plethora of talents, some quietly nurtured until now. Thanks to the initiative of the Local Government Unit of Tuburan headed by Hon. Democrito M. Diamante, these gifted individuals will have the spotlight to showcase their creativity and skill.

These talents, along with others, will come together in a concert for a noble cause. Join us live on June 1, 2024, at Tuburan Covered Court.

For reservations and inquiries, kindly reach out to Mr. Rex Suansing or Mrs. Kathleen Jean Guitguit.

Let’s unite for an evening of talent and solidarity. See you there, Tuburanons!

Way kaluyang pagpangalagad sa katawhan hatud sa LGU Tuburan Season 13 Outreach Program nga malampusong napahigayon gahapong adlawa Martes petsa 14 sa Mayo tuig 2024 didto sa Barangay Kampoot, Tuburan, Cebu.

Kining kalihokan subay sa gihapon sa senimanang pagpanerbisyo sa Kagamhanang Lokal sa Lungsod sa Tuburan ubos sa liderato ni Tuburan Mayor Democrito “ALJUN” Diamante ug Vice Mayor Danny Diamante nga dunay temang “Bringing Services Closer to the People” kung diin dili na kinahanglan pang molusad pa sa Munisipyo ang katawhan sa matag Barangay alang sa mga nag-unang serbisyo.

Dili mominus sa 300 ka mga molupyo sa Barangay Kampoot ang nakapahimos sa Libreng Medical ug Dental consultation ingon man libreng tambal.

Daghan usab kanila ang natabangan sa ilang tagsa-tagsa ka mga kinahanglan kalabot sa mga departamento sa munisipyo nga dala sa maong outreach program.

Usa sa mga serbisyong gidugokan mao ang libreng hair make-up ni Mr. Allan Umandac sa Allen’s Beauty Studio nga naghimo sa libreng haircut and hair color ingon man ang libreng tupi sa 14th Civil Military Operation PA nipasundayag usab sila ug sayaw gikan sa mga talentadong kasundalohan.

Gawas sa libreng aroskaldo, dungan usab nga gisaw-an ang libreng paniudto nga maoy labing siguro sa tanang serbisyo nga gitanyag sa maong kalihokan.

Si Kapitan Elwin Guarin sa maong Barangay nisaysay sa iyang mga pagpasalamat ngadto ni Mayor Aljun Diamante ug Vice Mayor Danny Diamante sa walay puas nga pagpangga sa maong Barangay pinaagi sa maong outreach program.

Lakip sa iyang gipasalamatan ang tawo usab nga gitahasan niing maong outreach program sukad pa sa tuig 2011 nga Doc Ely Vizcayno ug mga kaubanang niini.

#jerielasendiente

#Tuburan

#springofsuccess

Sa nakalabayng semana adlawng martes petsa 30 sa Abril, 2024 ang Barangay Bulwang Tuburan, Cebu maoy usa usab sa nakatagamtam sa senimana nga pagpangalagad sa LGU Tuburan Season 13 Outreach Program.

Di mominus sa 200 ka mga indibidwal usab sa ilang Barangay ang nakabenipisyo sa libreng medical ug dental consultation nga dunay libreng tambal. Napahimuslan usab sa katawhan ang serbisyong legal sa pipila ka mga departamento sa Munisipyo.

Si Kapitan Silendita Arnejo sa maong Barangay mapasalamaton nga gihangop ang maong Serbisyo sa Munisipyo nga gihatod mismo sa ilang baryo diin gikalipay usab kini ug daku sa iyang mga konstetuwente. Dugang niya nga daku kaayo kini ug ikatabang sa katawhan sa iyang Barangay labi na sa kabataan ug mga senior citizens.

Sa maong programa makita nga sa sulod sa 13 katuig nga pagbalik-balik niini sa mga kabarangayan inanay nga nahatagan ug igong katagbawan ug napatuhop na gayud ang serbisyo de pang gobyerno sa Pangagamhanan ni Tuburan Mayor Aljun Diamante ug ni Vice Mayor Danny Diamante.

Qualifications:

* Must be a bonafide resident and registered voter of the Municipality of Tuburan upon taking the exam

* Must have passed the board/bar/licensure exam from September 2023 and May 2024

* Must be able to fill in and submit the application form and required attachments on or before May 31, 2024, in the Sanggunian Bayan Office

Required Documents:

* Official Exam Results/Certificate

* Barangay Certification

* Voter’s Certification

Application forms are available in the Sanggunian Bayan Office, 2nd Floor, Legislative Building, Poblacion 4, Tuburan, Cebu.

Please be informed that this post is FAKE. LGU-Tuburan will soon post its fiesta activities in its official page.

Usa ka mabolukon nga kalihokan na usab ang namugna sa Lokal nga Pangagamhanan sa Lungsod sa Tuburan karung adlawa pinaagi sa LGU Tuburan Season 13 Outreach Program nga gipasiugdahan ubos sa liderato ni Mayor Aljun Diamante.

Ang maong programa malampuson nga napahigayon sa Barangay Marmol Tuburan, Cebu, nga nagdala sa temang Bringing Services Closer to the People diin nagtanyag kini sa nagkadaiyang serbisyo sa munisipyo sama sa libreng medical ug dental consultation nga dunay libreng tambal, libreng hair make-up gikan sa Allen’s Beauty Studio ingon man libreng pagpanupi sa mga kasundalohan. Anaa usab ang pa ice cream ug libreng tsinelas alang sa kabataan nga giapud-apud sa Tuburan Eagles Club Aspirants.

Diha sa maong kalihokan ang han-ay sa Sanguniang Bayan pinangulohan ni Tuburan Vice Mayor Danny Diamante inubanan sa iyang mga konsehales, lakip sa nitambong ang mga jail personnels sa BJMP Tuburan District Jail. Samtang sa habig sa Socio Civic Organizations mitambong usab ang mismong Club President sa Tuburan Eagles Club nga si Kuya Glenn Regado nga maoy nangulo sa pagpanghatag sa libreng tsinelas.

Gibana-bana nga kapin sa 300 ka mga indibidwal ang nakapahimus sa maong pagpangalagad lakip na ang kabataan nga nalingaw usab sa free throw shoot nga dunay papremyo gikan sa maayong kabubot-on ni Engr. Christian Daniel Diamante.

Human sa pormal nga programa dungan nga gisaw-an sa tanan ang libreng paniudto diin ang mismong mga opisyales sa Lungsod ang nihukad sa mga kaigsuonang Tuburanon nga gialagaran.

Sa samang higayon nipresentar usab ang mga talentadong kasundalohan pinaagi sa pagsayaw sa “I Love Cebu” jingle diin samtang nalingaw ang katawhan nanghatag usab kita ug AM/FM transistor alang sa mga tigpaminawan sa Kalamboan sa Tuburan Radio Program nga madungog sa 98.1 FM BT Radio matag alas 8 sa buntag.

Puno sa kalipay ug surpresa ang matag-usa nga nitambong sa maong Outreach Program diin mao kini ang tumong ug tuyo sa Pangagamhanan ni Mayor Aljun Diamante ang pagpatuhop sa serbisyo de pang gobyerno ngadto sa kinabag-an sa maong Lungsod.

It’s officially SIGLAKAS season! It’s now time to show out what we’ve got in sports—how Tuburan Champions are built.

SIGLAKAS has finally opened, and games have finally begun.

Tuburanons, GAME ON!